REGİONLAR


Lənkəranın Daştatük kəndində kütləvi zəhərlənmə baş verib

A+ A

Lənkəran, 6 sentyabr, Bağır Əliyev, AZƏRTAC

Lənkəran rayonunun Daştatük kəndində kütləvi zəhərlənmə faktı qeydə alınıb.

AZƏRTAC xəbər verir ki, sentyabrın 5-də kənddən Lənkəran Mərkəzi Rayon Xəstəxanasının infeksiya şöbəsinə zəhərlənmə diaqnozu ilə əksəriyyəti uşaqlar olmaqla, 59 nəfər müraciət edib.

Lənkəran Mərkəzi Rayon Xəstəxanasından verilən məlumata görə, infeksion şöbəsinə yerləşdirilən xəstələrə zəruri tibbi yardımlar göstərilib. Müraciət edənlərdən 49 nəfəri ambulator müalicəyə buraxılıb, digər 10 xəstənin müalicəsi isə davam etdirilir.

İlkin müayinələrdən sonra zəhərlənmə hadisəsinin kənddəki içməli su mənbəyinin digər bir mənbə ilə qarışması nəticəsində baş verdiyi ehtimal olunur. Bu məqsədlə həmin su mənbəyindən nümunələrər götürülərək Bakıya göndərilib.

Qeydə alınmış zəhərlənmə faktı barədə yekun rəy laboratoriya müayinəsinin cavabından sonra məlum olacaq.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.