REGİONLAR


Lənkəranlı boksçu Rusiyada ölkəmizi layiqincə təmsil edib

A+ A

Lənkəran, 2 iyul, Bağır Əliyev, AZƏRTAC

“Təhsil” Respublika İdman Mərkəzinin Lənkəran filialının yetirməsi Ağasəlim Mustafazadə Rusiyada boks üzrə keçirilən beynəlxalq yarışda ölkəmizi layiqincə təmsil edərək yeniyetmələr arasında fəxri kürsünün ən yüksək pilləsinə qalxıb.

AZƏRTAC xəbər verir ki, 54 kiloqram çəki dərəcəsində mübarizəyə qoşulan lənkəranlı boksçu beynəlxalq turnirdə ölkəmizi təmsil edən 5 idmançıdan biri olub.

Gərgin idman mübarizəsi şəraitində keçən yarışda təmsilçimiz bütün rəqiblərini üstələməyi bacarıb. O, Rusiya Boks Federasiyasının diplom, medal və kubokuna layiq görülüb.

Qeyd edək ki, boks üzrə Milli komandanın üzvü olan Ağasəlim Mustafazadə Respublika çempionatının bürünc mükafatçısıdır.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.