REGİONLAR


Lənkəranlı yeniyetmə pəhləvan Gürcüstanda keçirilən dünya çempionatında gümüş medal qazanıb

A+ A

Lənkəran, 27 sentyabr, Bağır Əliyev, AZƏRTAC

Gürcüstanın paytaxtı Tbilisi şəhərində yeniyetmə güləşçilərin dünya çempionatı başa çatıb. Yarışda ölkəmizi təmsil edən idmançılardan biri də lənkəranlı güləşçi Mahir Məmmədzadə olub.

AZƏRTAC xəbər verir ki, “Təhsil” Respublika İdman Mərkəzinin Lənkəran filialının yetirməsi olan Mahir Məmmədzadə Avropa çempionatında olduğu kimi, bu dəfə də Vətənə əliboş qayıtmayıb. O, dünya çempionatında ardıcıl olaraq Qırğızıstan, Hindistan və Gürcüstan təmsilçilərini asanlıqla üstələyərək finala yüksəlib.

Final görüşü gərgin mübarizə şəraitində keçib. Bu mərhələdə ABŞ təmsilçisi ilə qarşılaşan idmançımız 7-5 hesabı ilə məğlub olaraq, yarışın gümüş medalını qazanıb.

Qeyd edək ki, Mahir Məmmədzadə 8 ildir sərbəst güləşin sirlərinə yiyələnir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.