MƏDƏNİYYƏT


Leoni Mergenin “Qarabağ kolleksiyası” London moda həftəsində nümayiş etdiriləcək

London, 4 fevral, AZƏRTAC

Fevralın 18-də Londonda “Fashion Week Afterparty” çərçivəsində Leoni Mergenin “Qarabağ kolleksiyası” nümayiş etdiriləcək.

Bu barədə məlumat Avropa Azərbaycan Cəmiyyətinin (TEAS) “facebook” səhifəsində yer alıb.

Leoni Mergen bu kolleksiyasını Azərbaycanın zəngin mədəni irsindən ilhamlanaraq ərsəyə gətirib. O, kolleksiyanı hazırlayanda Qarabağ dizaynlarını əsas çıxış nöqtəsi kimi götürüb, həmçinin özünün innovativ və fərdi baxışlarını əlavə edib. Yanvar ayında Berlində “Mersedes Benz Moda Həftəsi” çərçivəsində nümayiş etdirilən “Qarabağ kolleksiyası” böyük marağa səbəb olub. Moda sənayesində çalışan 500-dən artıq peşəkar modelyer, sahə üzrə ixtisaslaşan jurnalistlər və xarici qonaqlar kolleksiyanı maraqla izləyiblər. Nüfuzlu jurnalların səhifələrində bu kolleksiya haqqında məqalələr yer alıb.

Londonda keçiriləcək tədbir haqqında ətraflı məlumatı aşağıda qeyd edilən linkdən öyrənmək olar: https://www.facebook.com/events/1311170369002675/

Orxan İsmayılov

AZƏRTAC-ın xüsusi müxbiri

London

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.