REGİONLAR


Lerikdə istehlakçı hüquqlarına dair konfrans

Bakı, 14 iyul, AZƏRTAC

İstehlakçıların hüquqlarının qorunması sahəsində maarifləndirmə tədbirləri çərçivəsində iyulun 14-də Lerik rayonunda "Hər bir istehlakçı öz hüquqlarını bilməli və tələb etməlidir" mövzusunda konfrans keçirilib.

İqtisadiyyat Nazirliyinin mətbuat xidmətindən AZƏRTAC-a bildiriblər ki, Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin təşkilatçılığı ilə keçirilən tədbirdə aidiyyəti dövlət qurumlarının, sahibkarlıq subyektlərinin, ictimai təşkilatların nümayəndələri və 200-dən çox istehlakçı iştirak edib.

Tədbirdə Dövlət Xidmətinin əməkdaşları istehlakçı hüquqlarının müxtəlif aspektləri ilə bağlı çıxış edərək bu sahədə mövcud qanunvericilik, ticarət və xidmət qaydalarının tələblərinə əməl olunması və xidmət mədəniyyətinin yüksəldilməsi istiqamətində həyata keçirilən tədbirlər, ərzaq malları alarkən diqqət yetirilməli məsələlər, ictimai-iaşə və xidmət müəssisələrinin vəzifələri və s. barədə ətraflı məlumat veriblər.

Tədbir çərçivəsində iştirakçılara istehlakçı hüquqlarına dair maarifləndirici materiallar paylanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.