REGİONLAR


Lerikdə ötən ilin sosial-iqtisadi inkişafın yekunları və qarşıda duran vəzifələr müzakirə edilib

A+ A

Lerik, 9 fevral, Bağır Əliyev, AZƏRTAC

Lerik rayonunda ötən il ərzində sosial-iqtisadi inkişaf sahəsində görülən işlər və qarşıda duran vəzifələr müzakirə edilib.

AZƏRTAC xəbər verir ki, tədbir iştirakçıları əvvəlcə ümummilli lider Heydər Əliyevin abidəsi önünə gül dəstələri düzərək xatirəsini ehtiramla yad ediblər.

Toplantıda Lerik Rayon İcra Hakimiyyətinin başçısı Rövşən Bağırov hesabat məruzəsi ilə çıxış edərək bildirib ki, kənd təsərrüfatı rayonu olan Lerikdə 2016-cı ildə taxılçılıq, kartofçuluq və tərəvəzçiliyin inkişafı sahəsində görülən tədbirlər nəticəsində ümumi məhsul istehsalının həcmi xeyli artıb. Rayonda bitkiçilik və heyvandarlıq məhsullarının istehsalında 14 faiz artım qeydə alınıb. On hektar sahədə tütün əkilib, 5,8 ton qurudulmuş tütün yarpağı Şəkidə fəaliyyət göstərən “İlham-M” MMC-yə təhvil verilib. “Lerik broyler” MMC quşçuluq kompleksində 6875 sentner quş əti istehsal edilib. Veri-Əliabadı kəndində iş adamı tərəfindən 1 hektar torpaq sahəsində 24 istixana tikilib. İstixanaların beşində qərənfil gülü, on doqquzunda isə pomidor məhsulu yetişdirilib. Ötən il bu istixanalardan 80 ton pomidor, 500 min ədəd qərənfil gülü yığılıb.

Bildirilib ki, hesabat ilində rayonda sosial məsələlərin həllinə də diqqət artırılıb, bir sıra yeni obyektlər tikilərək istifadəyə verilib. Kənd Təsərrüfatı Nazirliyi tərəfindən Lerik şəhərində inşa edilən kənd təsərrüfatı idarəsi fəaliyyətə başlayıb, “Kapitalbank”ın rayon filialının yeni inzibati binası istifadəyə verilib, 41 yaşayış binası əsaslı təmir edilib. İl ərzində rayonda 874 yeni iş yerləri açılıb. Rayonun 45 yaşayış məntəqəsi tam qazlaşdırılıb. Hazırda Mastail, Əvilə, Durğan və Murya kəndlərinin qazlaşdırılması ilə bağlı işlər davam etdirilir. Hesabat dövründə 26,5 kilometrlik Lerik-Qosmalıan-Kəlvəz avtomobil yolu inşa edilib, 36 kilometrlik Noda-Şingədulan-Xanəgah avtomobil yolunun 18 kilometrlik hissəsi asfaltlanıb. Ötən il Piran-Veri, Piran-Hamarat kənddaxili yollarında təmir işləri aparılıb, “Azəravtoyol” ASC tərəfindən Təbrizli kəndinə gedən yolda yeni körpü istifadəyə verilib.

Məruzə ətrafında müzakirələrdə görülən işlərdən, mövcud problemlərdən və qarşıda duran vəzifələrdən danışılıb. Rayon ictimaiyyətinin nümayəndələri çıxışlarında sosial məsələlərlə bağlı təkliflərini bildiriblər.

Milli Məclisin deputatı İqbal Məmmədov çıxış edərək seçicilərlə görüş zamanı qaldırılan məsələlərin icrası istiqamətində görülən işlərdən danışıb.

Prezident Administrasiyasının regional idarəetmə və yerli özünüidarəetmə orqanları ilə iş şöbəsinin baş məsləhətçisi Habil Əzənmədov yanvarın 10-da Prezident İlham Əliyevin sədrliyi ilə Nazirlər Kabinetinin 2016-cı ilin sosial-iqtisadi inkişafının yekunlarına və qarşıda duran vəzifələrə həsr olunmuş iclasında dövlətimizin başçısının nitqindən irəli gələn vəzifələri diqqətə çatdırıb.

Şura iclasında müzakirə edilən məsələ ilə bağlı müvafiq qərar qəbul edilib.

Sonda yığıncaq iştirakçıları adından Azərbaycan Prezidenti İlham Əliyevə müraciət qəbul edilib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.