SİYASƏT


Levon İzaria: Gürcüstan, Azərbaycan və Türkiyə arasındakı hərbi əməkdaşlıq mühüm əhəmiyyət kəsb edir

Tbilisi, 23 may, AZƏRTAC

Gürcüstan, Azərbaycan və Türkiyə arasındakı hərbi əməkdaşlıq hər üç ölkənin xalqları, bütövlükdə region üçün mühüm əhəmiyyət kəsb edir.

Bu sözləri Gürcüstanın müdafiə naziri Levon İzoria Azərbaycan, Gürcüstan və Türkiyə müdafiə nazirlərinin Batumidəki üçtərəfli görüşündən sonra keçirdiyi mətbuat konfransında söyləyib.

Nazir deyib: “Bizim birgə əməkdaşlığımız Azərbaycan, türk və gürcü xalqlarının təhlükəsiz yaşaması və ölkələrimizin iqtisadi inkişafı üçün mühüm əhəmiyyət kəsb edir”.

L.İzoria bildirib ki, ölkələrimizin müdafiə sahəsindəki birgə fəaliyyəti inkişaf edir. Bu il biz beş dəfə görüşmüşük. Bu dəfə də çox önəmli məsələlərdən danışdıq. Gələcəkdə bu formatın genişlənməsi məsələsi də müzakirə olunub.

Hər üç ölkənin birgə təlimlərdə iştirakına toxunan nazir deyib: “Yaxın günlərdə bizim xüsusi təyinatlılarımızın birgə təlimləri olacaq. Eyni zamanda, sentyabr ayında informasiya texnologiyaları üzrə təlimlərimiz keçiriləcək. Gələcəkdə bu cür təlimlərin sayını artırmaq və əməkdaşlığımızı daha da genişləndirmək niyyətindəyik”.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.