REGİONLAR


Leysan, dolu və güclü külək Ağstafaya xeyli ziyan vurub

Ağstafa, 21 iyun, Famil Quliyev, AZƏRTAC

İyunun 20-də saat 19 radələrindən başlayaraq Ağstafa rayonunun ərazisində təxminən bir saata yaxın davam edən dolu ilə müşayiət olunan leysan yağışı yağıb, güclü külək əsib. Nəticədə meyvə bağları, taxıl zəmiləri, tərəvəz və bostan bitkilərinə ciddi ziyan dəyib. Ağstafa şəhərinin N.Nərimanov, C.Cabbarlı, Ə.Nəbiyev, 20 yanvar küçələrində, eləcə də bir çox yaşayış məntəqələrində sel suları evlərinin zirzəməsinə və həyətlərinə dolub, güclü külək yol kənarlarındakı ağacları aşırıb, suvarma arxları daşaraq məcrasından çıxıb. Bəzi kəndlərə elektrik enerjisinin verilişində fasilələr yaranıb.

Rayon icra hakimiyyətindən AZƏRTAC-a bildiriblər ki, təbii fəlakətlə bağlı dərhal Rayon Fövqəladə Hallar Komissiyanın iclası çağırılıb, baş vermiş fəsadların operativ qaydada həll olunması istiqamətində zəruri tədbirlər həyata keçirilib. Aidiyyəti qurumlara rəsmi müraciətlər ünvanlanıb.

Hazırda təbii fəlakətin vurduğu ziyanın məbləği hesablanır və törətdiyi fəsadların aradan qaldırılması üçün tədbirlər görülür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.