DÜNYA


Leysan yağışları Gürcüstanda ciddi problemlər yaradıb

Tbilisi, 21 may, AZƏRTAC

İki gündür Gürcüstanda yağan aramsız leysan yağışları ölkədə ciddi problemlər yaradıb.

Mayın 21-də ölkənin qərb bölgəsində torpaq sürüşməsi fəallaşıb və artıq bir neçə dağ kəndi ilə əlaqə kəsilib.

Borjomidə də acınacaqlı vəziyyət yaranıb. Hazırda Gürcüstanın struktur bölmələri və xilasedicilər təhlükəli ərazilərdən insanları təxliyə edirlər.

İmereti bölgəsindən axan Rioni çayı yatağından çıxıb, sel suları yol infrastrukturunu dağıdıb, kənd təsərrüfatı sahələri, evlər su altında qalıb.

Leysan yağışları Kaxeti, Kvemo Kartli-Borçalı, Şida Kartli, Sameqrelo bölgələrinə də ciddi ziyan vurub. Bu bölgələrdə evləri və əkin sahələrini su basıb.

Eyni zamanda, güclü yağışlar nəticəsində Kür çayının səviyyəsi xeyli qalxıb. Bəzi ərazilərdə çay öz yatağından çıxıb, yollar dağılıb, ictimai-iaşə obyektlərini sel aparıb.

Sinoptiklər yağışların mayın 24-dək davam edəcəyini bildirirlər.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.