DÜNYA


London polisi məscidlərin mühafizəsini gücləndirəcək

Bakı, 19 iyun, AZƏRTAC

Böyük Britaniyanın paytaxtında dünən gecə saatlarında müsəlmanlara hücumdan sonra London məscidləri gücləndirilmiş mühafizə altına alınacaq.

AZƏRTAC xarici KİV-lərə istinadla xəbər verir ki, bunu şəhərin meri Sadiq Xan bildirib.

Xatırladaq ki, iyunun 19-na keçən gecə Londonun şimalında sürücü avtomobili məsciddən qayıdan insanların üzərinə sürüb. Hücum nəticəsində 1 nəfər həlak olub, 10 nəfər yaralanıb. Xəsarət alanların 8-i xəstəxanaya yerləşdirilib. Hadisə ilə əlaqədar 48 yaşında avropalı görünüşlü kişi saxlanılıb.

Böyük Britaniyanın daxili işlər naziri Amber Radd hadisənin mümkün terror aktı kimi təhqiq olunduğunu deyib.

Bu hücum son üç ay yarımda Böyük Britaniyada baş verən dördüncü terror aktıdır. İyunun 3-də bıçaqla silahlanmış 3 nəfər London körpüsündə avtomobili insanların üzərinə sürüb, sonra isə ətrafdakı adamlara bıçaqla hücum edib. Hadisə nəticəsində 7 nəfər həlak olub, canilər öldürülüb. Mayın 22-də “Manchester Arena” stadionunda amerikalı müğənni Ariana Grandenin konsertindən sonra partlayış törədilib. Hadisə nəticəsində 22 nəfər, o cümlədən 12 uşaq həlak olub, 120 nəfər müxtəlif dərəcəli xəsarətlər alıb.

Martın 22-də London şəhərində 5 nəfərin ölümü, onlarla insanın yaralanması ilə nəticələnən terror aktı baş verib. Sürücü avtomobilini “Vestminster” körpüsünün üstündəki piyadaların üzərinə sürüb, sonra isə parlament binasının önündə bir polisə ölümcül xəsarət yetirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.