DÜNYA


Londonda terror hücumu barədə işdə yeni təfərrüatlar məlum olub

Bakı, 6 iyun, AZƏRTAC

Böyük Britaniyanın paytaxtı London şəhərindəki hücumu həyata keçirən terrorçulardan biri - əvvəllər britaniyalı ekstremistlər barədə sənədli filimdə görünən şəxs paytaxt metrosunda işləyib və onun Parlament binasının altından keçən tunelə giriş imkanı olub.

AZƏRTAC “Daily Mail” nəşrinə istinadla xəbər verir ki, “Westminster” və “Canada Water” stansiyalarında çalışan 27 yaşlı Xuram Şazad Batt sonradan intizamsızlığa görə işdən azad edilib.

Xatırladaq ki, iyunun 3-də axşam saatlarında London körpüsündə bıçaqla silahlanmış 3 terrorçu avtomobili insanların üzərinə sürüb. Sonra onlar avtomobildən çıxaraq küçədən keçən insanlara bıçaqla hücum ediblər. Polis terrorçuları çağırışdan sonra 8 dəqiqə ərzində zərərsizləşdirə bilib. Hadisə nəticəsində 7 nəfər həlak olub, 48 nəfər yaralanıb. Yaralıların bəzilərinin vəziyyəti ağırdır.

Bu vaxtadək terror aktında şübhəli bilinən 12 nəfər, o cümlədən 4 qadın polis tərəfindən saxlanılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.