DÜNYA


“Lufthansa”nın təyyarəsi Kanadada təcili eniş edib

A+ A

Bakı, 19 oktyabr, AZƏRTAC

Almaniyanın “Lufthansa” aviaşirkətinin Frankfurt-na-Mayndan Orlandaya (Florida ştatı) uçan təyyarəsi Kanada aeroportlarından birinə təcili eniş edib.

AZƏRTAC Welt nəşrinə istinadla xəbər verir ki, göyərtəsində 345 sərnişinin və 18 ekipaj üzvünün olduğu “Boeing 747-400” laynerinin təcili enişinə pilot kabinəsində tüstülənmə səbəb olub. “Lufthansa”nın nümayəndəsinin verdiyi məlumata görə, kabinədə tüstü qoxusu hiss edən pilotlar eniş üçün icazə istəyiblər. Yerə enərkən onlar oksigen maskasında olublar.

Uçuş-enmə zolağında təyyarəni yanğınsöndürmə maşınları qarşılayıb. Eniş insidentsiz başa çatıb, xəsarət alan olmayıb.

Tüstülənmənin səbəbi barədə məlumat verilmir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.