DÜNYA


Lukaşenko: Təzyiqlərə baxmayaraq, Belarus və Rusiya birgə hərbi təlim keçirəcək

Kiyev, 13 iyun, AZƏRTAC

Təzyiqlərə baxmayaraq, Belarus və Rusiyanın birgə “Qərb-2017” hərbi təlimi daha böyük miqyasda keçiriləcək. Bu fikri Belarus Prezidenti Aleksandr Lukaşenko iyunun 13-də Kollektiv Təhlükəsizlik Müqaviləsi Təşkilatına (KTMT) üzv ölkələrin müdafiə nazirləri ilə görüşündə deyib.

A.Lukaşenko bildirib ki, Belarus həm MDB, həm də KTMT çərçivəsində qərb istiqamətində təhlükəsizliyə cavabdehdir və birgə təlim payızda Belarusun ərazisində keçiriləcək: “İnanıram ki, Rusiya tərəfində də eyni əhval-ruhiyyədir. Biz kimlərisə qorxutmuruq. Bizə özgələri lazım deyil. Biz ordumuza ərazisini, dövlətini, xalqını necə qorumağı öyrədirik və bundan sonra da öyrədəcəyik”.

Belarus Prezidenti vurğulayıb ki, bu təlim hamı üçün açıqdır. Qoy, bizim gücümüzü görsünlər.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.