SİYASƏT


MDB Parlamentlərarası Assambleyasının müşahidəçiləri Azərbaycanda referendumun şəffaflığını və legitimliyini tanıyıblar

Minsk, 29 sentyabr, AZƏRTAC

Müstəqil Dövlətlər Birliyinin (MDB) iştirakçısı olan ölkələrin Parlamentlərarası Assambleyasının (PA) müşahidəçilər missiyası Azərbaycanda referendumun şəffaflığını və legitimliyini tanıyıb. AZƏRTAC BELTA-ya istinadla xəbər verir ki, bu barədə sentyabrın 28-də Minskdə jurnalistlərə MDB İcraiyyə Komitəsinin sədri - icraçı katib Sergey Lebedev məlumat verib.

Sergey Lebedevin sözlərinə görə, MDB PA müşahidəçilərinin Azərbaycanda fəaliyyəti başa çatıb və onlar referendumun legitimliyini və şəffaflığını tanıyıblar.

Sergey Lebedev deyib: “Referendumun nəticələri, referenduma çıxarılan təkliflərə səs verənlərin faizinin çox olması təsdiq edir ki, xalq Azərbaycanın ictimai-siyasi strukturuna edilən bu dəyişiklikləri dəstəkləyir. MDB Parlamentlərarası Assambleyasının müşahidəçilər missiyası referendumun gedişini izləyib və MDB PA-dakı həmkarlarımızın mənə verdikləri məlumata görə, onlar referendumun legitim, şəffaf, demokratik olduğunu, Azərbaycan xalqının iradəsini əks etdirdiyini tanıyıblar.

Zeynal Ağazadə

AZƏRTAC-ın xüsusi müxbiri

Minsk

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.