SİYASƏT


MDB çərçivəsində XİN-lərarası məsləhətləşmələr olub

A+ A

Minsk, 2 noyabr, AZƏRTAC

Minskdə, MDB İcraiyyə Komitəsində “MDB-nin iştirakçısı olan ölkələrin Avropa təhlükəsizliyi məsələləri üzrə Avropa İttifaqı və NATO ilə qarşılıqlı fəaliyyəti haqqında” mövzusunda XİN-lərarası məsləhətləşmələr keçirilib.

Bu barədə AZƏRTAC-a Birliyin Minskdəki qərargahından məlumat veriblər.

Məsləhətləşmələrin iştirakçıları Ukrayna, Gürcüstan və Moldova tərəfindən Avropa İttifaqı ilə assosiasiya, habelə dərin və geniş əhatəli azad ticarət zonası haqqında sazişlərin imzalanmasının MDB çərçivəsindəki azad ticarət zonası üçün ticari-iqtisadi nəticələrini müzakirə ediblər.

Məsləhətləşmələrdə postsovet məkanında Şərq tərəfdaşlığı siyasətinin yürüdülməsinə Avropa İttifaqının yanaşmaları barədə danışılıb, MDB və Aİ ölkələrinin qarşılıqlı fəaliyyətinə ümumi qiymət verilib, Avropa İttifaqının Mərkəzi Asiya siyasəti haqqında fikir mübadiləsi aparılıb.

Məsləhətləşmələrin iştirakçıları MDB ölkələrinin NATO ilə əməkdaşlığı haqqında da fikir mübadiləsi aparıblar.

Zeynal Ağazadə

AZƏRTAC-ın xüsusi müxbiri

Minsk

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.