DÜNYA


MDB-nin müşahidəçilər missiyası Belarusda seçki monitorinqini davam etdirir

A+ A

Minsk, 12 avqust, AZƏRTAC

Müstəqil Dövlətlər Birliyinin (MDB) müşahidəçilər missiyası Belarus Respublikası Milli Məclisinin Nümayəndələr Palatasına seçkilərə hazırlıq və onların keçirilməsi üzrə monitorinqi davam etdirir.

AZƏRTAC MDB missiyasının qərargahına istinadla xəbər verir ki, müşahidəçilər missiyasının qərargahı seçki kampaniyasının monitorinqi çərçivəsində seçki qanunvericiliyinin pozulması ilə əlaqədar şikayətləri, müraciətləri və ərizələri nəzərdən keçirən respublika orqanları ilə qarşılıqlı fəaliyyət göstərir.

Birlik ölkələrini təmsil edən uzunmüddətli müşahidəçilər deputatlığa namizədləri qeydə alan hər üç dairə seçki komissiyasından birinin iclasında iştirak ediblər. Onların rəyinə əsasən, bütün namizədlərə bərabər hüquqi şərait yaradılıb, onların qeydiyyatına eyni tələblər tətbiq edilib. Deputatlığa namizədlərin, müşahidəçilərin, kütləvi informasiya vasitələri nümayəndələrinin iştirak etdikləri iclaslar mütəşəkkil keçirilib, namizədlərə nəzakətli münasibət göstərilib.

Missiya deputat mandatı uğrunda mübarizədə namizədlər arasında yüksək rəqabətin mövcud olduğunu qeyd edir.

Parlamentdə 110 yer uğrunda 521 namizəd mübarizə aparır.

Qeydə alınmış 521 namizədin yarısından çoxu siyasi partiyaları təmsil edir. Müşahidəçilərin fikrincə, bu, seçkilərdə müxtəlif siyasi baxışların rəqabətini təmin edəcək.

Missiyanın formalaşdırılması davam edir. Avqustun 12-ə olan məlumata görə, MDB müşahidəçilər missiyasının heyətində Azərbaycan, Qazaxıstan, Rusiya və Türkmənistanı, habelə MDB Parlamentlərarası Assambleyasını, Belarus və Rusiya İttifaqının Parlament Məclisini və MDB İcraiyyə Komitəsini təmsil edən 243 müşahidəçi akkreditə olunub.

Zeynal Ağazadə

AZƏRTAC-ın xüsusi müxbiri

Minsk

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.