SİYASƏT


MDB ölkələrinin xarici siyasət idarələrinin qarşılıqlı fəaliyyətinə dair məsləhətləşmələr aparılacaq

Minsk, 30 yanvar, AZƏRTAC

MDB İcraiyyə Komitəsinin Minskdəki mətbuat xidmətindən AZƏRTAC-a verilən məlumata görə, fevralın 2-3-də Birliyin Belarus paytaxtındakı qərargahında “2017-ci ildə MDB çərçivəsində qarşılıqlı fəaliyyət haqqında” mövzusunda XİN-lərarası məsləhətləşmələr aparılacaq.

Tədbir iştirakçıları Birliyin Dövlət Başçıları Şurasının MDB-nin müasir reallıqlara uyğunlaşdırılması barədə qərarının həyata keçirilməsi üzrə xarici siyasət idarələrinin vəzifələrini və qarşıdakı ildə XİN-lərarası çoxsəviyyəli məsləhətləşmələr planının layihəsini müzakirə edəcəklər.

MDB çərçivəsində 1995-ci ildən keçirilən XİN-lərarası çoxsəviyyəli məsləhətləşmələr Birlik ölkələrinin siyasi sahədə qarşılıqlı fəaliyyətinin mühüm vasitəsidir.

Məsləhətləşmələrin əsas məqsədi aktual xarici siyasət məsələləri, habelə qarşılıqlı maraq doğuran regional və qlobal siyasət barədə geniş informasiya və fikir mübadiləsidir. Bu halda MDB üzvü olan dövlətlərin mənafelərinin səmərəli təmin edilməsi və birgə tədbirlərin razılaşdırılması məsələlərinə xüsusi diqqət yetirilir.

Zeynal Ağazadə

AZƏRTAC-ın xüsusi müxbiri

Minsk

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.