RƏSMİ SƏNƏDLƏR
MÜSLÜM MAQOMAYEVİN 120 İLLİK YUBİLEYİ HAQQINDA
AZƏRBAYCAN RESPUBLİKASI PREZİDENTİNİN SƏRƏNCAMI
2005-ci ildə görkəmli Azərbaycan bəstəkarı Müslüm Maqomayevin anadan olmasının 120 illiyi tamam olur.
Azərbaycan musiqi mədəniyyətinin inkişafında böyük xidmətləri olan Müslüm Maqomayevin 120 illik yubileyinin keçirilməsini təmin etmək məqsədi ilə qərara alıram:
1. Azərbaycan Respublikasının Mədəniyyət Nazirliyi, Azərbaycan Respublikasının Təhsil Nazirliyi və Azərbaycan Milli Elmlər Akademiyası Azərbaycan Bəstəkarlar İttifaqı ilə birlikdə Müslüm Maqomayevin 120 illik yubileyinə həsr olunmuş tədbirlər planı hazırlayıb həyata keçirsin.
2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.
İlham Əliyev
Azərbaycan Respublikasının Prezidenti
Bakı şəhəri, 20 sentyabr 2005-ci il.