ELM VƏ TƏHSİL


Macar alimi Georq Hazainin kolleksiyası rəqəmsallaşdırılıb

Bakı, 16 iyun, AZƏRTAC

Azərbaycan Milli Elmlər Akademiyasının (AMEA) Mərkəzi Elmi Kitabxanasında (MEK) macar alimi Georq Hazainin kolleksiyasının rəqəmsallaşdırılmasına dair təqdimat keçirilib.

AMEA-dan AZƏRTAC-a bildiriblər ki, MEK-in direktoru Leyla İmanova rəhbərlik etdiyi qurumda kolleksiyaların rəqəmsallaşdırılması istiqamətində görülən işlərdən danışıb. Kitabxananın rəqəmsallaşdırma şöbəsində istənilən sənədin PDF və ya Word formatlarda rəqəmsallaşdırıldığını deyib.

Sonra rəqəmsallaşdırma şöbəsinin müdiri Elmar Quliyev iş prosesi barədə məlumat verib. Bildirib ki, kitablar əl izlərindən təmizlənərək yüksək keyfiyyətli avadanlıqla skan olunur və kompüterlərə köçürülərək rəqəmsallaşdırılır. O, nadir fonddan min, Milli Rəqəmsal Yaddaş bazasından 250 kitab, jurnal, şəxsi kolleksiya, 2500-dək avtorefarat və dissertasiya olmaqla ümumilikdə 5000 sənədin rəqəmsallaşdırıldığını qeyd edib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.