ELM VƏ TƏHSİL


Magistratura səviyyəsinə qəbul olunan bakalavrların qeydiyyatı başa çatıb

Bakı, 13 iyul, AZƏRTAC

Ali təhsil müəssisələrinin magistratura səviyyəsinə qəbul olunan bakalavrların qeydiyyatı başa çatıb.

Tələbə Qəbulu üzrə Dövlət Komissiyasından AZƏRTAC-a bildirilib ki, qeydiyyat iyunun 28-dən iyulun 11-dək aparılıb. Magistraturaya qəbul olunan 5 min 359 bakalavrdan (o cümlədən “ADA” Universitetinə və M.V.Lomonosov adına Moskva Dövlət Universitetinin Bakı filialına qəbul olunan) 4 min 629-u göstərilən müddətdə ali təhsil müəssisələrində qeydiyyatdan keçib. Qeydiyyatdan keçməyən 730 bakalavrdan 270-i oğlan, 460-ı qızdır. Bakalavrın qeydiyyatdan keçməməsi onun yerləşdirildiyi ixtisaslaşma üzrə təhsil almaqdan imtina etməsi kimi qiymətləndirilir.

Boş qalan plan yerləri haqqında məlumat “Magistr” jurnalının 6 nömrəli buraxılışında veriləcək. İxtisaslaşma seçimi avqustun 8-dən 14-dək aparılacaq.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.