ELM VƏ TƏHSİL


Magistratura və rezidenturaya qəbul imtahanının ikinci mərhələsinə qeydiyyat mayın 22-dək davam edəcək

Bakı, 19 may, AZƏRTAC

Magistratura və rezidenturaya qəbul imtahanının ikinci mərhələsində iştirak üçün qeydiyyat mayın 22-si saat 23:59-dək davam edəcək.

Dövlət İmtahan Mərkəzindən AZƏRTAC-a bildiriblər ki, mayın 19-u saat 17:30-a olan məlumata əsasən, magistraturaya qəbul imtahanının ikinci mərhələsində iştirak üçün 6 min 540 bakalavr proqram seçimini təsdiqləyib. Elektron ərizəsinə daxil olub proqram seçimi edən 560 bakalavr isə ərizəsini təsdiqləməyib.

Rezidenturaya qəbul üçün ixtisas fənləri üzrə biliklərin qiymətləndirilməsi imtahanında iştirak etmək hüququ olan 665 namizəddən 449-u imtahanın ikinci mərhələsində iştirakını təsdiqləyib.

Magistratura və rezidenturaya qəbul imtahanının ikinci mərhələsində iştirak etmək istəyənlər qeyd olunan tarixədək elektron ərizələrini təsdiqləməlidirlər. Ərizələrini təsdiqləməyənlər imtahanların ikinci mərhələsinə buraxılmayacaqlar.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.