DÜNYA


Makaonun keçmiş baş prokuroru 21 il müddətinə azadlıqdan məhrum edilib

Pekin, 15 iyul, AZƏRTAC

Çinin Makao Xüsusi İnzibati Rayonunun keçmiş baş prokuroru Xo Çio Men ümumilikdə mindən çox iş üzrə təqsirkar bilinərək, məhkəmənin qərarı ilə 21 il müddətinə azadlıqdan məhrum edilib.

Xo Çio Men 1999-2014-cü illərdə Makaonun baş prokuroru işlədiyi dövrdə vəzifə səlahiyyətlərindən sui-istifadə edərək, külli miqdarda – 10 milyon ABŞ dollarına yaxın məbləğdə rüşvət almaqda təqsirli bilinib.

Qeyd edək, Si Cinpin Çinin dövlət başçısı seçiləndən sonra ölkədə korrupsiyaya qarşı geniş kampaniya çərçivəsində xeyli məmur, o cümlədən yüksək və orta vəzifəli məmur cinayət məsuliyyətinə cəlb olunaraq cəzalandırılıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.