İDMAN


Marina Ekajeva: Bakıda güclü rəqiblərə qarşı yarışıram

Bakı, 26 iyul, Samirə Allahverdiyeva, AZƏRTAC

Azərbaycana ilk dəfədir ki, gəlirəm. Bakı çox xoşuma gəldi. Bakıda güclü rəqiblərə qarşı yarışıram. Ümid edirəm ki, mükafatçılar sırasında yer alaram.

Bu sözləri tanınmış şahmatçı mərhum Vüqar Həşimovun xatirəsinə həsr olunan beynəlxalq şahmat turnirinin inquşetiyalı iştirakçısı Marina Ekajeva AZƏRTAC-a məxsusi müsahibəsində deyib.

Karyerası barədə danışan M.Ekajeva diqqətə çatdırıb: “Vüqar Həşimovun xatirəsinə həsr olunmuş beynəlxalq turnirin İnquşetiyada seçmə mərhələsinin qalibi oldum və Bakıdakı yarışa vəsiqə qazandım. Rəqiblərim çox güclüdür. Azərbaycanlı şahmatçıların beynəlxalq arenada qazandıqları nailiyyətlərdən xəbərdaram. Ölkənizə qalib olmaq üçün gəlmişəm.

“Məşhur şahmatçı Vüqar Həşimov haqqında yetərincə məlumatlıyam. Onun qazandığı uğurlar çox qürurvericidir. Onun partiyaları ilə tanış oluram. Çünki gələcək karyeram üçün bu, çox önəmlidir. Onun bizim aramızda olmaması çox üzücüdür”, - deyə M.Ekajeva diqqətə çatdırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.