CƏMİYYƏT


Marneulidəki kəndlərin içməli su problemi həll olunur

Tbilisi, 5 avqust, AZƏRTAC

Gürcüstan hökuməti azərbaycanlıların yığcam yaşadıqları bölgələrdə əhalinin sosial problemlərinin həllini diqqət mərkəzində saxlayır. Hökumət və yerli idarəetmə orqanları kəndlərin su, yol və digər sosial problemlərinin həllinə çalışır.

Kvemo Kartli-Borçalı bölgəsi qubernatorunun müavini Zaur Darğallı AZƏRTAC-a bildirib ki, Marneuli rayonunun Alget, Əzizkənd, Təzəkənd və Hacıkənd kəndləri uzun illər idi içməli su problemi yaşayırdı. Bölgə və rayon rəhbərliyinin birgə səyi nəticəsində yeni bərpa layihəsi hazırlanıb və “Rustavi su” şirkəti layihəni icra edib. Artıq azərbaycanlılar yaşayan 4 kənddə içməli su problemi həll olunub.

Qeyd edək ki, bu gün kəndlərə içməli suyun verilməsi mərasimi olub. Mərasimdə Qriqori Nemsadze, onun azərbaycanlı müavini Zaur Darğallı, Marneuli Rayon İcra Hakimiyyətinin başçısı Merab Topçişvili və digər rəsmi şəxslər iştirak ediblər.

Tədbirdə bildirilib ki, yaxın vaxtlarda Marneuli rayonunun digər kəndlərində də soydaşlarımızın içməli su problemi öz həllini tapacaq.

Qubernator əhalinin digər problemləri ilə də tanış olub və soydaşlarımız yaşayan bölgələrdə işıq və içməli su problemlərinin olmayacağını bildirib.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.