Masallıda “Qarabağ bizimdir, bizim olacaq!” devizi ilə Milli Orduya dəstək aksiyası keçirilib
Masallı, 8 aprel, Bağır Əliyev, AZƏRTAC
Aprelin 7-də Masallı şəhərindəki Heydər Əliyev Mərkəzində “Qarabağ bizimdir, bizim olacaq!” devizi ilə Milli Orduya dəstək aksiyası keçirilib.
AZƏRTAC xəbər verir ki, tədbir iştirakçıları əvvəlcə ümummilli lider Heydər Əliyevin abidəsi önünə gül dəstələri düzərək xatirəsini ehtiramla yad ediblər.
Toplantıda çıxış edən Heydər Əliyev Mərkəzinin direktoru Dilbər İbayeva və Masallı Dövlət Regional Kollecinin direktoru Vidadi Nəzərov Azərbaycan Ordusunun cəbhə bölgəsində qazandığı uğurlardan danışıblar.
Aksiya “Qarabağ bizimdir, bizim olacaq!”, ”Şəhidlər ölməz, Vətən bölünməz” şüarları və əsgər marşı sədaları altında yürüşlə başa çatıb.
Bölmənin digər xəbərləri
