REGİONLAR


Masallıda erkən nikahların doğurduğu fəsadlardan danışılıb

A+ A

Masallı, 22 dekabr, Bağır Əliyev, AZƏRTAC

Masallı şəhərindəki Gənclər Mərkəzində təşkil olunmuş “dəyirmi masa”da erkən nikahlarla bağlı problemlər müzakirə edilib.

AZƏRTAC xəbər verir ki, “Erkən nikaha yol vermə!” mövzusunda keçirilən tədbirdə gənclər, ümumtəhsil məktəblərinin yuxarı sinif şagirdləri və ictimaiyyətin nümayəndələri iştirak ediblər.

“Dəyirmi masa”da erkən nikahların doğurduğu fəsadlardan və cəmiyyətə vurduğu ziyanlardan danışılıb. Qeyd olunub ki, erkən yaşda qızların ailə həyatı qurmağa məcbur edilməsi onların təhsilinə, bir fərd kimi inkişafına və psixologiyalarına mənfi təsir göstərir.

Bildirilib ki, erkən nikahlar gələcək nəsillərin sağlamlığını və həyatını təhlükə altında qoymaqla ailələrdə boşanma hallarının da sayını artırır.

Sonda tədbir iştirakçılarına mövzu ilə bağlı hazırlanmış bukletlər paylanılıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.