REGİONLAR


Masallıda multikulturalizmlə bağlı maarifləndirici tədbir keçirilib

A+ A

Masallı, 3 avqust, Bağır Əliyev, AZƏRTAC

Masallı şəhərindəki Gənclər Mərkəzində Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə Qloballaşan Dünyaya İnteqrasiya İctimai Birliyi (QDİİB) “Yeni mediada multikulturalizmlə bağlı düzgün iştirak” mövzusunda maarifləndirici tədbir keçirib.

AZƏRTAC xəbər verir ki, təlim məşğələsində rayonun ümumtəhsil məktəblərinin yuxarı sinif şagirdləri, idarə və müəssisələrdə çalışan gənclər iştirak ediblər.

Tədbirdə çıxış edən İctimai Birliyin sədri İlkin Ağayev bildirib ki, sosial və internet mediada gənclərin aktivlik göstəriciləri ildən-ilə artır.

Bu ilin Azərbaycanda “Multikulturalizm ili” elan olunduğunu vurğulayan İ.Ağayev gənclərin multikulturalizm məsələləri ilə bağlı maarifləndirilməsi, sosial və internet mediada aktiv gənclərin bu yöndə öz töhfələrini verməsinə yardımçı ola biləcəyini diqqətə çatdırıb.

Təlimçi, yeni media üzrə ekspert Xaqani İbadov mövzu ilə bağlı çıxış edib.

Sonda tədbir iştirakçılarına sertifikatlar verilib.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.