REGİONLAR


Masallıda yeniyetmələr və gənclər arasında boks üzrə rayon birinciliyinin qalibləri mükafatlandırılıb

A+ A

Masallı, 15 noyabr, Bağır Əliyev, AZƏRTAC 

Masallı Boks Mərkəzində rayon gənclər və idman idarəsinin, Yeni Azərbaycan Partiyası Masallı rayon təşkilatının birgə təşkilatçılığı ilə Milli Dirçəliş Gününə və Yeni Azərbaycan Partiyasının yaranmasının 24-cü ildönümünə həsr olunmuş yeniyetmə və gənclər arasında boks üzrə rayon birinciliyi keçirilib.

AZƏRTAC xəbər verir ki, idmançıların mükafatlandırılması mərasimində çıxış edən rayon gənclər və idman idarəsinin rəisi Camal Manafov, Yeni Azərbaycan Partiyası Masallı rayon təşkilatının sədri Seyfəddin Əliyev ölkəmizdə bədən tərbiyəsi və idmanın inkişafı, onun maddi-texniki bazasının möhkəmləndirilməsi sahəsində görülən işlərdən danışıb, idmançılarımızın beynəlxalq yarışlarda qazandıqları uğurları Prezident İlham Əliyevin bu sahənin inkişafına göstərdiyi qayğının nəticəsi kimi dəyərləndiriblər.

İki gün davam edən rayon birinciliyində 75 yeniyetmə və gənc 10 çəki dərəcəsində qələbə uğrunda mübarizə aparıb.

Qaliblər diplom və medallarla mükafatlandırılıblar.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.