DÜNYA


Məhkəmə Braziliya prezidentinə qarşı ittihamı rədd edib

Bakı, 10 iyun, AZƏRTAC

Braziliyanın Ali Məhkəməsi ölkə prezidenti Mişel Temerə qarşı irəli sürülən korrupsiya üzrə ittihamı rədd edib.

AZƏRTAC Interfax informasiya agentliyinə istinadla xəbər verir ki, onu sabiq prezident Dilma Rusefin seçkiqabağı kampaniyasını qanunsuz yolla maliyyələşdirməkdə ittiham edirdilər. Hakimlər 4 günlük müzakirədən sonra dörd səs lehinə, üç səs əleyhinə olmaqla, ittihamın rədd edilməsinə səs veriblər. İyun ayının əvvəllərində Braziliya prezidenti polisdən 84 sual alıb. Ali məhkəmə, həmçinin ona bu sualları cavablandırmamaq hüququ da verib.

Korrupsiya qalmaqalı fonunda Temerin reytinqi birrəqəmli göstəricilərə qədər aşağı düşüb. Bir qədər əvvəl bu işlə əlaqədar prezidentin keçmiş köməkçisi də saxlanılıb.

Xatırladaq ki, Braziliyanın sabiq prezidenti Dilma Rusef korrupsiya qalmaqalına görə istefaya gedib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.