CƏMİYYƏT


Məişət zorakılığına məruz qalan insanlara hüquqi yardım layihəsi çərçivəsində təlim keçirilib

A+ A

Bakı, 16 sentyabr, AZƏRTAC

Qazaxda “Gənclərin Sosial Problemlərinin Həllinə Kömək” İctimai Birliyi “Məişət zorakılığının qurbanı olan şəxslərə hüquqi yardım və sosial xidmətlərin göstərilməsi” layihəsi çərçivəsində təlim keçirib.

İctimai birlikdən AZƏRTAC-a bildirilib ki, qurumun rəhbəri Əhməd Mansurov təlim iştirakçılarına layihə haqqında məlumat verib. Bildirib ki, layihənin məqsədi məişət zorakılığından əziyyət çəkən şəxslərə ictimaiyyət tərəfindən könüllü sosial xidmətlər göstərilməsini təbliğ etmək və bu sahədə çalışacaq insanların bilik və bacarıqlarını artırmaqdır. Təlim iştirakçılarına məişət zorakılığına məruz qalan insanlara psixoloji, sosial və hüquqi dəstəyin beynəlxalq standartları, sosial işin təşkili barədə məlumat verilib.

“Gənclərin Sosial Problemlərinin Həllinə Kömək” İctimai Birliyinin müvafiq layihəsi ilin sonunadək davam edəcək.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.