DÜNYA


Meksikada tanınmış yazıçı-jurnalist qətlə yetirilib

Bakı, 16 may, AZƏRTAC

Meksikada tanınmış yazıçı və jurnalist Xavyer Valdes Kardenasın qətli ilə bağlı təhqiqat aparılır.

AZƏRTAC Euronews telekanalına istinadla xəbər verir ki, onun avtomobili mayın 15-də Sinaloa ştatının Kulyakan şəhərində naməlum cinayətkarlar tərəfindən atəşə tutulub. Faciə RioDoce həftəliyinin ofisi yaxınlığında baş verib. Kardenas bu nəşrin əsasını 2003-cü ildə bir qrup həmfikri ilə qoymuşdu.

Müstəntiqlər güman edirlər ki, qətl mafiya haqqında bir neçə kitabın müəllifi olan jurnalistin peşə fəaliyyəti ilə əlaqədardır. Ştatın hakimiyyət orqanları Kardenasın öldürülməsindən sonra onun qohumları və həmkarlarının müdafiəsi üçün tədbirlər görüblər.

Meksika prokurorluğunun məlumatına görə, 2000-ci ildən bəri ölkədə müxtəlif KİV-lərlə əməkdaşlıq edən 100-dən çox insan öldürülüb.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.