ELM VƏ TƏHSİL


Məktəbdənkənar müəssisənin əməkdaşları Çexiyada olublar

Bakı, 29 dekabr, AZƏRTAC

Təhsil Nazirliyinin Respublika Ekoloji Tərbiyə və Təcrübəçilik Mərkəzinin (RETTM) əməkdaşları Çexiyada olublar.

Nazirlikdən AZƏRTAC-a bildiriblər ki, bu qurum, Çexiyanın Azərbaycandakı səfirliyi və Almaniya Əməkdaşlıq Cəmiyyəti (GİZ) tərəfindən təşkil olunan səfərdə mərkəzin direktoru Firuzə Sultanzadə, metodistlər və dərnək rəhbərləri iştirak ediblər.

Səfərin məqsədi müasir tələblərə uyğun bilik və bacarıqların artırılması, Çexiyanın məktəbdənkənar təhsil müəssisələrinin işi ilə tanışlıq olub.

RETTM-in əməkdaşları Praqa, Brno və Plzen şəhərlərinin tanınmış ekoloji və turizm təhsil təşkilatlarının rəhbərləri ilə görüşüb, texnoloji mərkəzləri ziyarət ediblər. Onlar, eyni zamanda, bir sıra ekoloji təşkilatların təhsil sahəsindəki proqram və dərs vəsaitləri ilə tanış olub, bu proqramların Azərbaycanın məktəbdənkənar təhsilində tətbiqi barədə müzakirələr aparıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.