ELM VƏ TƏHSİL


Məktəbəhazırlıq qruplarında dərs deyəcək müəllimlər üçün ixtisasartırma təlimlərinə qeydiyyat başlanıb

Bakı, 26 iyul, AZƏRTAC 

Təhsil İşçilərinin Peşəkar İnkişafı İnstitutunun (TİPİİ) və Təhsildə İnnovativ Texnologiyalar” (İTE) Təhsil Mərkəzinin birgə təşkilatçılığı ilə keçiriləcək ixtisasartırma təlimlərinə qeydiyyat başlanıb.

TİPİİ-dən AZƏRTAC-a bildiriblər ki, təlimlər məktəbəhazırlıq qruplarında dərs deyəcək müəllimlər, ibtidai sinif və məktəbəqədər müəssisələrdə çalışan müəllim və tərbiyəçilər üçün nəzərdə tutulub. Təlimlər nəzəri biliklərlə yanaşı, praktik bacarıqların formalaşması istiqamətində aparılacaq. Dərslər avqustun 2-dən 9-dək TİPİİ-də keçiriləcək.

Region məktəblərində fəaliyyət göstərən müəllimlərin də iştirak edə biləcəkləri təlimi uğurla başa vuran müdavimlərə ixtisasartırma təhsili haqqında dövlət nümunəli sertifikat veriləcək. Təlimlərdə iştirak etmək istəyənlər qeydiyyat formasını doldurmalıdırlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.