CƏMİYYƏT


Məktəblilərdə tullantıların idarə olunması vərdişləri formalaşdırılır

A+ A

Bakı, 7 noyabr, AZƏRTAC

“Təmiz Şəhər” ASC və “KidsArt” uşaq studiyası Qala qəsəbəsindəki 323 nömrəli məktəbdə “Xəzan şəfəqi” adlı ustad dərsləri təşkil edib.

ASC-dən AZƏRTAC-a bildirilib ki, ustad dərslərində şagirdlərə tullantıların səmərəli istifadəsi və idarə olunması haqqında məlumat verilib. “Təmiz Şəhər” ASC-nin əməkdaşı məktəblilərə şamdan, yarpaq və boş bankalardan ev üçün faydalı əşyalar düzəltməyi öyrədib.

Qeyd edək ki, ölkəmizdə tullantıların idarə olunmasını təkmilləşdirmək və tullantıların düzgün idarə edilməsi sistemini qurmaq məqsədilə Heydər Əliyev Fondunun təşəbbüsü əsasında Qala qəsəbəsi ərazisində “Təmiz Şəhər” ASC tərəfindən “Təmiz Qala” pilot layihəsi həyata keçirilir. Layihənin məqsədi Qala qəsəbəsi ərazisində tullantılarının yığılmasını və daşınmasını, o cümlədən sonrakı utilizasiyasını müasir standartlara uyğun təşkil etməkdir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.