ELM VƏ TƏHSİL


Məktəblinin BDU-da hazırladığı layihə beynəlxalq olimpiadada birinci yerə layiq görülüb

Bakı, 6 iyun, AZƏRTAC

Bakı Avropa Liseyinin X sinif şagirdi Fidan İbrahimovanın Bakı Dövlət Universitetinin (BDU) Nano Araşdırmalar laboratoriyasında hazırlanmış elmi-tədqiqat layihəsi Türkiyənin İstanbul şəhərində keçirilən 26-cı Beynəlxalq Tədqiqat Layihələri Olimpiadasında birinci yerə layiq görülüb. Bu barədə AZƏRTAC-a BDU-dan məlumat verilib.

Universitetin fizika fakültəsinin dekanı, professor Məhəmmədəli Ramazanov və dosent İsmət Əhmədovun rəhbərliyi ilə “Şoran torpaqlarda nanohissəciklərin bitkilərin inkişafına təsir effektləri” mövzusunda hazırlanan layihə təbiət elmləri bölməsinin biologiya sahəsində qalib hesab edilərək mükafatlandırılıb.

Qeyd edək ki, BDU-da istedadlı şagirdlərin respublika və beynəlxalq olimpiadalara hazırlanması istiqamətində layihələr həyata keçirilir və uğurlu nəticələr əldə edilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.