ELM VƏ TƏHSİL


“Məktəblinin dostu” layihəsi iştirakçılarının iqtisadi bilik və bacarıqları artırılır

Bakı, 13 iyun, AZƏRTAC

“Məktəblinin dostu” pilot layihəsinin iştirakçıları üçün maliyyə savadlılığının artırılması istiqamətində təlimlər keçirilib.

Bakı Şəhəri üzrə Təhsil İdarəsindən AZƏRTAC-a bildiriblər ki, Təhsil Nazirliyi ilə Mərkəzi Bankın birgə əməkdaşlığı çərçivəsində reallaşan təlimlərin məqsədi “Məktəblinin dostu” pilot layihəsi iştirakçılarının ilkin iqtisadi bilik və bacarıqlarının artırılmasıdır.

Ümumilikdə pilot layihənin yüz iştirakçısı maliyyə savadlılığının kurikuluma inteqrasiya edilən elementlərinə dair peşəkar təlimlərə qatılıb.

Qruplar üzrə təlimlərdə maliyyə savadlılığı, pul nişanları, istehlak büdcəsinin planlaşdırılması, mövcud resurslardan qənaətlə istifadə və istehsal infrastrukturları barədə təqdimatlar keçirilib, mövzular üzrə interaktiv oyunlar təşkil edilib.

Təlimlərin yekununda qiymətləndirmə aparılıb. Nəticələrə uyğun olaraq, pilot layihənin iştirakçılarına sertifikatlar təqdim ediləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.