DÜNYA


Melburnda təyyarəni partlatmaqla hədələyən şəxs psixi xəstə imiş

Bakı, 1 iyun, AZƏRTAC

Malaysia Airlines aviakompaniyasına məxsus Airbus A330 laynerinin pilot kabinəsinə soxulmaq istəyən və Melburn beynəlxalq aeroportunda saxlanılan şəxsin psixi pozğunluğu var.

AZƏRTAC xəbər verir ki, bu barədə 9news telekanalı saxlanılan şəxsin vəkilinə və Avstraliya polisinə istinadla məlumat yayıb.

Xatırladaq ki, dünən Melburn - Kuala-Lumpur reysini yerinə yetirən təyyarə uçuşdan bir neçə dəqiqə sonra aeroporta qayıdıb. Məlum olub ki, sərnişinlərdən biri pilotların kabinəsinə girməyə cəhd göstərib və onda bomba olduğunu bildirib.

Malayziya nəqliyyat nazirinin dediyinə görə, saxlanılan şəxs Şri-Lanka vətəndaşıdır. Melbrun aeroportunda saxlanılmış 25 yaşlı Manodx Marks Avstraliyaya tələbə vizası üzrə gəlib. Viktoriya ştatı polisindən isə bildiriblər ki, Marks psixi klinikadan çərşənbə günü çıxıb və bir qədər sonra təyyarəyə bilet alıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.