İQTİSADİYYAT


Mərkəzi Bank depozit hərraclarında 555 milyon manat cəlb edib

A+ A

Bakı, 12 noyabr, AZƏRTAC

2016-cı ilin iyun ayından etibarən Mərkəzi Bank likvidliyin sterilizasiyası məqsədilə milli valyutada sərbəst vəsaitlərin cəlb olunması üzrə depozit hərraclarının keçirilməsinə başlayıb.

AZƏRTAC Mərkəzi Bankın 2016-cı ilin yanvar-sentyabr ayları üzrə Pul Siyasəti İcmalına istinadla xəbər verir ki, hesabat dövründə 13 hərrac keçirilib və nəticədə cəlb edilmiş depozitlərin həcmi 555 milyon manat, orta ölçülmüş faiz dərəcəsi 8.95 faiz təşkil edib. Sentyabr ayının sonuna depozit hərracları vasitəsilə cəlb edilən vəsaitin qalığı 109 milyon manat olub.

Depozit əməliyyatları pul bazarının inkişafı və beləliklə, pul siyasəti üzrə əməliyyat çərçivəsinin təkmilləşməsinə yönəlib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.