CƏMİYYƏT


Mətbuat Şurası referendumda jurnalistlərin prosesi işıqlandırmalarının monitorinqini aparacaq

A+ A

Bakı, 24 sentyabr, AZƏRTAC

Azərbaycan Mətbuat Şurası sentyabrın 26-da keçiriləcək referendumda jurnalistlərin prosesi işıqlandırmalarının monitorinqini aparacaq. Bu barədə AZƏRTAC-a Mətbuat Şurasından məlumat verilib.

Bu məqsədlə Şuranın İdarə Heyətinin üzvləri paytaxtda və bölgələrdəki dairə və məntəqə seçki komissiyalarına baş çəkəcəklər. Onlar, həmçinin jurnalistlər üçün yaradılmış şəraitlə tanış olacaq, ümumən səsvermənin gedişini də müşahidə edəcəklər.

Bundan başqa referendum günü Mətbuat Şurasında “qaynar xətt” yaradılacaq. 012 441 35 30 nömrəli şəhər, 055 201 99 26 saylı mobil telefon nömrəsi saat 8:00-dan 19:00-dək bu rejimdə fəaliyyət göstərəcək. Referendumu işıqlandıracaq jurnalistlərin işləri ilə bağlı hər hansı xoşagəlməz durumla üzləşdikləri halda qeyd edilən telefon nömrələrinə zəng edib fikirlərini bildirmələri mümkündür.

Mətbuat Şurası referendum günü jurnalistlərin prosesi sərbəst şəkildə işıqlandırmaları üçün Azərbaycan Respublikasının Mərkəzi Seçki Komissiyası və müvafiq dövlət qurumları ilə sıx əlaqədə olacaq. Medianın peşə vəzifəsinin icrası ilə bağlı hər hansı çətinliyin yaranacağı təqdirdə onun dərhal aradan qaldırılması təmin ediləcək.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.