CƏMİYYƏT


Mətbuat Şurasında fransalı jurnalistlərlə görüş keçirilib

Bakı, 28 iyul, AZƏRTAC

Fransalı jurnalist, yazıçı, Beynəlxalq Reyn Dərnəyinin prezidenti Jerar Kardon və köməkçisi Fransuaz Nikola Azərbaycan Mətbuat Şurasında olublar.

Mətbuat Şurasından AZƏRTAC-a bildiriblər ki, sədr, Milli Məclisin deputatı Əflatun Amaşov qonaqlara rəhbərlik etdiyi qurumun fəaliyyət istiqamətləri barədə ətraflı məlumat verib. Bildirib ki, Şura yalnız Azərbaycanda deyil, ümumən postsovet məkanında medianın ilk özünütənzimləmə qurumudur. Onun başlıca missiyası kütləvi informasiya vasitələri ilə bağlı şikayətlərin araşdırılmasından ibarətdir.

Ölkəmizdə medianın hazırkı durumu ilə bağlı ətraflı söhbət açan Əflatun Amaşov, habelə söz və ifadə azadlığı məsələləri ətrafında müqayisələr aparıb.

Qarşılıqlı fikir mübadiləsi şəraitində keçən görüşdə Mətbuat Şurasının sədri Azərbaycanda media fəaliyyətinə, eləcə də Şuranın iş prinsiplərinə dair sualları da cavablandırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.