İQTİSADİYYAT


Mətyu Brayzə: Bakı Şopinq Festivalında “Tax free” sisteminin tətbiqi turistlərin cəlb edilməsi üçün əla düşünülüb

Bakı, 17 aprel, AZƏRTAC

Bakı Şopinq Festivalında (Baku Shoppıng Festıval) “Tax free” sisteminin tətbiqi turistlərin cəlb edilməsi üçün əla düşünülüb.

AZƏRTAC festivalın rəsmi saytına istinadən xəbər verir ki, bunu ABŞ-ın Azərbaycandakı keçmiş səfiri, ATƏT-in Minsk qrupunun sabiq həmsədri Mətyu Brayzə Bakı Şopinq Festivalı ilə bağlı fikirlərini bölüşərkən deyib.

“Bakıda Şopinq Festivalının keçirildiyini eşitmək çox xoşdur. Məncə, festivalboyu “Tax Free” sisteminin tətbiqi turistlərin cəlb edilməsi üçün əla düşünülüb”, – deyə M.Brayzə bildirib.

Keçmiş səfir əmindir ki, xarici turistlərin Azərbaycana cəlb olunması baxımından festivalın önəmi böyükdür: “İrandan və bəzi ərəb ölkələrindən Azərbaycana əvvəllər də turistlər az gəlmirdi. Bu festivalla isə Dubaydan fərqli yer axtaran bu ölkələrdən Azərbaycana gələn turist kontingenti artacaq. Ümumiyyətlə, başqa ölkələrdən də festivalla maraqlanıb, Azərbaycana gələn turistlərin sayı artacaq”.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.