DÜNYA


“Microsoft Edge” brauzerində yeni mühafizə sistemi yaradılıb

A+ A

Bakı, 29 sentyabr, AZƏRTAC

Müasir reallıqlarda internetdə təhlükəsizlik çox mühüm rol oynayır. Bununla əlaqədar proqram təminatı, xüsusilə brauzer tərtibatçıları hər vəchlə istifadəçiləri fırıldaqçılardan qorumağa çalışırlar. Əksər şirkətlərin brauzerləri sındırılmaz etməyə çalışdığı halda “Microsoft” başqa yolla getmək qərarına gələrək “Windows Defender Application Guard” funksiyasını təqdim edib.

AZƏRTAC “4PDA” resursuna istinadən xəbər verir ki, sistemin mahiyyəti “Microsoft Edge” brauzerinin virtual reallıq kompyuterinin daxilində işləməsindədir. Bu isə o deməkdir ki, o, “Windows 10” əməliyyat sisteminin yaddaş və nüvəsindən ayrıca saxlanılır. Sındırılma zamanı cinayətkarlar yalnız virtual reallıq kompyuterinə müdaxilə edə biləcəklər, istifadəçinin bütün məlumatları isə təhlükəsiz qalacaq.

“Windows Defender Application Guard” internetdən təkmilləşdirilmiş hücumlardan mühafizə üçün virtuallaşdırma texnologiyalarından istifadə etməklə korporativ qurğuları, müəssisə əməkdaşlarını, məlumatları və korporativ şəbəkələri qorumağa kömək edir.

Hazırda yeni funksiya yalnız "Windows 10 Enterprise” sistemində işləsə də, sonradan ondan bütün istifadəçilərin yararlana biləcəyi gözlənilir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.