İQTİSADİYYAT


“Microsoft” hərəkətləri dəqiqliklə təkrarlayan texnologiya hazırlayıb

A+ A

Bakı, 19 iyul, AZƏRTAC 

“Microsoft” korporasiyası üçölçülü obyektlərin hərəkətini yüksək dəqiqliklə təkrarlayaraq, onları real vaxt rejimində virtuallaşdırmağa imkan verən texnologiya hazırlayıb.

AZƏRTAC “ictnews.az” saytına istinadla xəbər verir ki, "Fusion 4D” adlanan texnologiya obyektin hərəkətlərini izləmək üçün 8 "RGB-D” kamerasından istifadə edir. Bundan sonra təsvir əvvəlcə əşyanın hərəkətini bir neçə kadrda analiz edən alqoritmdən keçirilir ki, onun davranışı anlaşılsın. Növbəti mərhələdə alqoritm tekstura rolunu oynayan rəngli görüntünün üzərinə çəkildiyi təsviri və təsvir qatlarını birləşdirərək üçölçülü obyekt yaradır.

Proqram həm sürətli, həm də yavaş hərəkətləri, eləcə də bir neçə əşya arasında müxtəlif əlaqəni virtuallaşdırır. Məsələn, proqram insanın itlə necə oynamasını və ya gödəkcəni necə çıxarmasını təkrar edə bilir.

Texnologiyanı inkişaf etdirmək niyyətində olan alimlər onun köməyi ilə gələcəkdə konsert kimi müxtəlif tədbirlərə tam üçölçülü formatda baxmağın mümkün olacağını bildirirlər. Bundan başqa, onlar proqramı, məsələn, virtual avatar yaratmaq üçün virtual reallıq qurğuları ilə uyğunlaşdırmağı təklif edirlər.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.