DÜNYA


“Microsoft” məhsullarında səhvlərin aşkarlanmasına görə 250 min dollar ödəniləcək

Bakı, 27 iyul, AZƏRTAC

“Microsoft” korporasiyası “Windows 10” əməliyyat sistemində boşluqların aşkarlanması üçün nəzərdə tutulan yeni “Windows Bounty Program” proqramını istifadəyə verib. Sistemdə səhv tapan üçün maksimal mükafat 250 min dollar olacaq.

Korporasiya “Hyper-V” virtuallaşdırma sistemində səhvlərin aşkarlanmasına görə maksimum məbləğ ödəyəcək.

AZƏRTAC “Macdigger” resursuna istinadən xəbər verir ki, “Microsoft Edge” brauzerində və sınaq “Windows Insider Preview” sistemində tapılan səhvlərə görə mükafat 15 min dollar məbləğində müəyyənləşdirilib. “Microsoft” əməkdaşı boşluğu tez aşkar edəndə də korporasiya kənar tədqiqatçıya - problemi ikinci aşkarlayan şəxsə mükafat məbləğinin 10 faizini (25 min dollar) ödəyəcək.

“Microsoft” əvvəllər də oxşar proqramlar həyata keçirib. O zaman istifadəçilərə “Windows 8.1” sistemində boşluqların aşkarlanmasına görə 100 min dollar ödənilib. İri şirkətlər, məsələn, “Apple” və ya “Facebook” məhsullarda səhvlərin aşkarlanmasına görə pul ödəyir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.