DÜNYA


“Microsoft” ofis işçilərinin məhsuldarlığını izləməkdə rəhbərliyə kömək edəcək

Bakı, 10 iyul, AZƏRTAC

“Microsoft” şirkəti rəhbərliyə əməkdaşlar tərəfindən bu və ya digər məsələlərin icrasına sərf edilmiş vaxtı ölçməyə imkan verən korporativ alət təqdim edib. “Workplace Analytics” adlı yeni xidmət artıq “Office 365” ofis paketinin biznes abunəçilərinə əlçatandır.

AZƏRTAC “hitech.vesti.ru” saytına istinadən xəbər verir ki, “Microsoft Office 365”in direktoru Alim Rayani yeni proqramı məhsuldarlığın artırılması kimi təsvir edib. “Workplace Analytics” ofis işçilərinin məhsuldarlığını izləyir: elektron poçtda keçirilən vaxtı, müşavirələrə sərf olunan saatı qeydə alır.

Metaməlumatlar “Office 365”in digər proqramlarından (“Outlook” və ya “Word” poçtu) daxil olur. “Workplace Analytics” korporativ aləti 2015-ci ildə “Microsoft” tərəfindən satın alınmış “VoloMetrix” startapının işləmələrindən istifadə edəcək. Bu şirkət nəhəng korporasiyalara əməkdaşların effektivliyini qiymətləndirməyə kömək edən texnologiyalar hazırlayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.