DÜNYA


“Microsoft” şirkəti sensor ekrana malik “Surface Laptop” noutbukunu təqdim edib

Bakı, 17 iyun, AZƏRTAC

“Microsoft” şirkəti “Windows 10 S” sistemi ilə işləyən “Surface Laptop” noutbukunu təqdim edib. Bu noutbuka “Windows 10 Pro” sistemini pulsuz quraşdırmaq mümkündür. “Intel Core i5” və ya “i7” prosessoru ilə təchiz edilmiş versiya əlçatandır. Əməli yaddaşın tutumu 16 giqabayt, daxili yaddaş isə 512 giqabaytdır. Ekranın ölçüsü 13,5 düymdür.

AZƏRTAC “therunet.com” saytına istinadən xəbər verir ki, “USB 3.0”, “Mini DisplayPort” və standart qulaqcıqlar üçün konnektor noutbukun sol tərəfində yerləşir. “SD” kart və “USB-C” üçün slot mövcud deyil. Noutbuk qızılı, gümüşü, göy və tünd qırmızı rənglərdə əlçatandır. Çəkisi 1,25 kiloqramdır. Beləliklə, 13 düymlük “MacBook Air”dən yüngül və daha nazikdir.

“Surface Laptop” noutbuku 2256x1504 təsvir ölçülü “PixelSense” adlı sensor ekranla təchiz edilib. Ekran “Gorilla Glass 3” adlı qoruyucu şüşə ilə qorunur. Kompüterin çərçivəsi çox nazikdir.

Noutbukun korpusu alüminiumdan hazırlanıb və klaviaturanın ətrafındakı səth xüsusi materialdan işlənib.

“Windows 10 S” əməliyyat sistemi yalnız “Windows Store” mağazasındakı proqramları dəstəkləyir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.