ELM VƏ TƏHSİL


Mikayıl Cabbarov: Təhsil sahəsində müxtəlif xidmətlər onlayn formada təmin olunub

Bakı, 1 iyun, AZƏRTAC

Ölkə prezidenti tərəfindən təhsil sahəsində Milli Strategiya 2013-cü ildə təsdiq edilib.

AZƏRTAC xəbər verir ki, bu sözləri Azərbaycanın təhsil naziri Mikayıl Cabbarov AŞPA-nın Bakıda keçirilən Sosial məsələlər, sağlamlıq və dayanıqlı inkişaf komitəsinin iclasında çıxışı zamanı deyib.

O, bildirib ki, bu, ilk strategiya olub. Burada aydın şəkildə təhsil sahəsində inkişaf məqsədləri müəyyən edilib. Son 4 il ərzində Azərbaycanda orta məktəb şagirdləri daha yaxşı akademik fəaliyyət həyata keçiriblər. Bu sahədə 17 faiz artım müşahidə edilib. Universitetlərə qəbul qiymətləndirilməsində nəticələrin daha yüksək olması qeydə alınıb. Məktəbəqədər təhsil sisteminə çıxış asanlaşdırılıb. Bu, çox vacibdir və uzunmüddətli inkişafa təsir edir. Bizim qənaətbəxş məktəbəqədər təhsil sistemimiz yox idi. Məsələni çətinləşdirən səbəblərdən biri də bu müəssisələrin qaçqın və məcburi köçkünlər tərəfindən tutulması idi. Məktəbəqədər təhsil müəssisələrinə uşaqları gətirmə faizi 18 faiz idi. Biz daha sonra kapital genişlənməsi həyata keçirdik, 3 il ərzində bu göstərici 18 faizdən 55 faizə qalxıb.

Təhsil naziri diqqətə çatdırıb ki, təhsil sahəsində müxtəlif xidmətlər onlayn formada təmin olunub. Xarici diplomların tanınması, elektron qaydada məktəbə yazılmaq və digərləri bu xidmətlərə aiddir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.