ELM VƏ TƏHSİL


Milli Azərbaycan Tarixi Muzeyi naxçıvanlı məktəblilərdə böyük maraq doğurub

Bakı, 19 mart, AZƏRTAC

Azərbaycan Prezidenti İlham Əliyevin tapşırığına əsasən keçirilən “Ölkəmizi tanıyaq” maarifləndirici tur-aksiyasının növbəti mərhələsi çərçivəsində Naxçıvan Muxtar Respublikası məktəblərinin yuxarı sinif şagirdlərindən ibarət dörd qrup martın 19-da Azərbaycan Milli Elmlər Akademiyasının Milli Azərbaycan Tarixi Muzeyində olub.

AZƏRTAC xəbər verir ki, məktəblilər muzeydə Azərbaycan tarixini ən qədim dövrlərdən bu günə qədər əks etdirən eksponatlarla ətraflı tanış olublar. Şagirdlər Azərbaycan xalqının qədim keçmişini özündə əks etdirən eksponatların tarixi haqqında məlumat əldə ediblər. Neft milyonçusu, xeyriyyəçi Hacı Zeynalabdin Tağıyevin ev muzeyi ilə tanışlıq onlarda böyük maraq doğurub. Məşhur xeyriyyəçinin mülkündə yerləşən muzey binasının tarixi şagirdlərin xüsusi marağına səbəb olub.

Şagirdlər Milli Azərbaycan Tarixi Muzeyi ilə tanışlıqdan zəngin təəssüratla ayrılıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.