MƏDƏNİYYƏT


“Milli Dəyər” layihəsi çərçivəsində gənc rəssamların sərgisi açılacaq

A+ A

Bakı, 21 iyul, AZƏRTAC

İyulun 22-də "Abşeron" Rəsm Qalereyasında “Milli Dəyər” layihəsi çərçivəsində gənc rəssamların sərgisi açılacaq.

Tədbirin təşkilatçılarından olan “Gənclərin Dostluq Şəbəkəsi” İctimai Birliyindən AZƏRTAC-a verilən məlumata görə layihədə iştirak edəcək gənclər hazırladıqları rəsmlər vasitəsilə cəmiyyətə kiçik ismarıc vermiş olacaqlar.

Layihə Azərbaycan Respublikasının Prezidenti yanında Gənclər Fondunun maliyyə yardımı, “Gənclərin Dostluq Şəbəkəsi” İctimai Birliyinin təşkilatçılığı, Azərbaycan Teatr Xadimləri İttifaqı və Seyid Cəfər Pişəvəri adına Respublika Humanitar Fənlər Gimnaziyasının dəstəyi ilə keçirilir. Əsas məqsəd milli mənəvi dəyərlərimizin qorunub saxlanılması və inkişaf etdirilməsi baxımından gəncləri təşviq etmək, gənclər siyasətinə dəstək olmaq, yaradıcı gənclərin mədəniyyət və incəsənətə olan maraqlarını artırmaq və onların asudə vaxtlarının səmərəli təşkil edilməsi üçün zəruri şərait yaratmaqdan ibarətdir.

Qeyd edək ki, layihə çərçivəsində qısametrajlı filmin çəkilməsi, gənclərlə görüşlərin təşkili və onların iştirakı ilə sərgi açılması nəzərdə tutulur.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.