MƏDƏNİYYƏT


Milli Konservatoriyanın professorunun yubileyi qeyd edilib

Bakı, 2 may, AZƏRTAC

Azərbaycan Milli Konservatoriyasında professor, Əməkdar Müəllim Rafiq Musazadənin anadan olmasının 70 və elmi-pedaqoji fəaliyyətinin 50 illiyinə həsr edilmiş yubiley gecəsi keçirilib.

Konservatoriyadan AZƏRTAC-a bildirilib ki, tədbirdə rektor, Xalq Artisti Siyavuş Kərimi yubilyar haqında fikirlərini bölüşüb. Rektor yubilyarın ali təhsil ocağının ən məşhur simalarından biri olduğunu qeyd edərək onun elmi-pedaqoji fəaliyyətindən söz açıb.

Mərasimdə akademik Vasim Məmmədəliyev Rafiq Musazadənin muğam sənətində əvəzolunmaz xidmətlərindən danışaraq onun qədim muğamların araşdırılması və tədqiqində yorulmaz fəaliyyətini qeyd edib.

Konsert proqramı ilə davam edən tədbirdə respublikanın tanınmış ifaçıları tərəfindən xalq və bəstəkar mahnıları səsləndirilib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.